Friday 23 March 2012
Sunday 18 September 2011
உள்ளாட்சித் தேர்தலுக்கான சின்னங்கள்
தேர்தல் நடைமுறைகளில் ஒன்றாக மாநிலத் தேர்தல் ஆணையம் அங்கீகரிக்கப்பட்ட அரசியல் கட்சிகள் மற்றும் அந்தக் கட்சிகளுக்கு ஒதுக்கப்பட்ட சின்னங்களின் பட்டியலை வெளியிட்டுள்ளது. இதைப்போல தேர்தல் ஆணையத்தால் பதிவு செய்யப்பட்ட ஆனால் அங்கீகரிக்கப்படாத கட்சிகளின் பட்டியலையும், உள்ளாட்சித் தேர்தலில் போட்டியிடுவோருக்கான சுயேச்சை சின்னங்களின் பட்டியலையும் வெளியிட்டுள்ளது.
அங்கீகரிக்கப்பட்ட கட்சிகள், அவற்றின் சின்னங்கள்: (சின்னங்கள் அடைப்புக்குறிக்குள்)இந்திய தேர்தல் ஆணையத்தால் தேசியக் கட்சியாகவோ, அல்லது மாநிலக் கட்சியாகவோ அங்கீகரிக்கப்பட்ட கட்சிகள் உள்ளாட்சித் தேர்தலில் அங்கீகரிக்கப்பட்ட கட்சிகளாகக் கருதப்படுகின்றன.
1. அதிமுக (இரட்டை இலை), 2. பகுஜன் சமாஜ் கட்சி (யானை) 3. பாஜக (தாமரை) 4. இந்திய கம்யூனிஸ்ட் கட்சி (தானியக் கதிர்களும் அரிவாளும்) 5.மார்க்சிஸ்ட் கம்யூனிஸ்ட் கட்சி (சுத்தியும், அரிவாளும், நட்சத்திரமும்) 6. தேமுதிக (முரசு) 7. திமுக (உதயசூரியன்) 8. இந்திய தேசிய காங்கிரஸ் (கை) 9. தேசியவாத காங்கிரஸ் (கடிகாரம்) 10. பாமக (மாம்பழம்)
பதிவு செய்யப்பட்ட-அங்கீகரிக்கப்படாத கட்சிகள்: மதிமுக, விடுதலைச் சிறுத்தைகள், அகில இந்திய சமத்துவ கட்சி, புதிய தமிழகம், இந்திய குடியரசுக் கட்சி, புதிய நீதிக்கட்சி, எம்.ஜி.ஆர்.கழகம், அகில இந்திய மூவேந்தர் முன்னணிக் கழகம், ஜனதா கட்சி உள்ளிட்ட 154 கட்சிகள் இந்தப் பட்டியலில் உள்ளன.
சுயேச்சை சின்னங்கள்: மாநகராட்சி மேயர், நகராட்சி, மூன்றாம்நிலை நகராட்சி மற்றும் பேரூராட்சி தலைவர் பதவிக்குப் போட்டியிடுவோருக்கான சின்னங்கள்:
பதக்கம், கோட்டை, கேரம்போர்டு, கணிப்பொறி, மேசை மின்விசிறி, சீத்தாப்பழம், பேருந்து, குறுக்காக உள்ள இருகூர்வாள்கள், கோப்பையும் தட்டும், பளு தூக்குதல், சட்டை, சட்டைமாட்டி, ரயில் தண்டவாளம், பற்றுக்குறடு, சிறுபெட்டி, லென்சு கண்ணாடி, மட்டை, இரட்டை நாகஸ்வரம், கை பம்பு, பெல்ட், மை எழுதுகோல், சாய்வு மேசை, கைக் கடிகாரம், மைக்கூடு, வளையல்கள், பேட்டரி விளக்கு, பூந்தொட்டி, நீள மர இருக்கை, புத்தகம், டிஷ் ஆன்டனா.
மாநகராட்சி, நகராட்சி, மூன்றாம் நிலை நகராட்சி, பேரூராட்சி, ஊராட்சி ஒன்றிய கவுன்சில் உறுப்பினர் பதவிக்குப் போட்டியிடுவோருக்கான சின்னங்கள்:
கிட்டார், பேட்ஜ், மறைதிருக்கி, வைரம், உலக உருண்டை, முகம் பார்க்கும் கண்ணாடி, அசைந்தாடும் நாற்காலி, புட்டி, ஊஞ்சல், நீளக்குவளை, சாலை உருளை, பூப்பந்து மட்டை, திருகு ஆணி, கோட்டு, கோப்பு அடுக்கும் அலமாரி, முள்கரண்டி, கெட்டில், ஹாக்கி மட்டையும் பந்தும், மகளிர் பணப்பை, மேசை விளக்கு, கொம்பு, கைப்பை, தீப்பெட்டி, கழுத்தில் கட்டும் டை, அலமாரி, குலையுடன் கூடிய தென்னை மரம், அரிக்கேன் விளக்கு, கரண்டி, தண்ணீர்க் குழாய், உலாவுவதற்கான தடி.சிற்றூராட்சித் தலைவர் பதவிக்குப் போட்டியிடுவோருக்கான சின்னங்கள்: பூட்டு மற்றும் சாவி, கத்திரிக்கோல், கை உருளை, ஏணி, மூக்குக் கண்ணாடி, கத்திரிக்காய், விமானம், கிணறு, மண்வெட்டி, பானை, தேங்காய் மூடிகள், மின்விளக்கு, மேசை, செல்போன், தொப்பி, திராட்சைக் கொத்து, வாழைப்பழம், ஹார்மோனியம், மின்விசிறி, சூரியகாந்திப் பூ, விளக்குக் கம்பம், ஹெலிகாப்டர், தையல் இயந்திரம், லாரி, பிளாஸ்க், சன்னல், மணிமாலை, சிலேட், ஸ்டூல், கரும்பலகை.
சிற்றூராட்சி உறுப்பினர் பதவிக்குப் போட்டியிடுவோருக்கான சின்னங்கள்:
திறவுகோல், சீப்பு, கட்டில், கார், சங்கு, பெயின்ட் பிரஷ், வானொலிப் பெட்டி, அஞ்சல்பெட்டி, ஸ்கூட்டர், தொலைபேசி, அன்னாசிப்பழம், நாற்காலி, கோப்பை, ரயில் எஞ்சின், பந்து, மோதிரம், வாளி, கண்ணாடி குடுவை, பட்டம், சுத்தி, சாக்லெட், குடிசை, சைக்கிள் ரிக்ஷா, மக்காச்சோளம், மாவரைக்கும் திரிகை, படகு, சாப்பாட்டுத் தூக்கு, சிம்னி விளக்கு, மரம், வண்டி.
பதிவு செய்யப்பட்ட அரசியல் கட்சிகள் மற்றும் சுயேச்சை வேட்பாளர்கள் விரும்பும் சின்னங்களைக் கோரும் முறை:
1. சுயேச்சை வேட்பாளர் அவர் போட்டியிடும் பதவிக்காக ஒதுக்கப்பட்டுள்ள சுயேச்சை சின்னங்கள் பட்டியலில் இருந்து தான் விரும்பும் முன்னுரிமை வரிசைப்படி மூன்று சின்னங்களைப் விண்ணப்பப் படிவத்தில் குறிப்பிட வேண்டும்.
2. பதிவு செய்யப்பட்டு அங்கீகரிக்கப்படாத கட்சியின் சார்பில் நிற்கும் வேட்பாளர் அவர் விரும்பும் சின்னங்களை கட்சி அடிப்படையிலான தேர்லுக்கான சின்னங்களின் பட்டியலில் இருந்தும் ஒருங்கிணைந்தவாறு தேர்ந்தெடுத்துக் குறிப்பிடலாம்.
சின்னங்கள் ஒதுக்கீடு முறை
வேட்பாளர் கோரிய முன்னுரிமை வரிசையின் அடிப்படையில் சின்னங்கள் ஒதுக்கீடு செய்ய பரிசீலிக்கப்படும்.
பதிவு செய்யப்பட்ட அரசியல் கட்சியின் சார்பாக போட்டியிடும் வேட்பாளருக்கு சின்னம் ஒதுக்கப்பட்ட பின்னரே சுயேச்சை வேட்பாளருக்கு மீதமுள்ள சுயேச்சை சின்னங்கள் ஒதுக்கப்படும்.
ஒரே ஒருவரால் மட்டுமே முதல் தேர்வாக ஒரு சுயேச்சை சின்னம் கோரப்பட்டால், அந்தச் சின்னம் முதலில் கோரியவருக்கே ஒதுக்கீடு செய்யப்படும். பிறருக்கு ஒதுக்கீடு செய்யப்படமாட்டாது.
ஒன்றுக்கு மேற்பட்ட வேட்பாளர்கள் தங்கள் முதல் தேர்வாக ஒரே சின்னத்தைக் கோரியிருந்தால், அந்தச் சின்னம் குலுக்கல் முறையில் ஒருவருக்கு ஒதுக்கப்படும்.
வேட்பாளர் கோரிய முதல் விருப்பச் சின்னம் அவருக்கு ஒதுக்கீடு செய்ய இயலாது போனால், இரண்டாவது கோரிய சின்னம் பரிசீலிக்கப்படும். இரண்டாவது சின்னமும் பலரின் கோரிக்கைகளினால் ஒதுக்கீடு செய்ய முடியாமல் போனால் மூன்றாவது விருப்பச் சின்னம் பரிசீலிக்கப்படும்.
மூன்றாவதாக கோரிய சின்னமும் ஒதுக்கீடு செய்ய முடியாமல் போனால் பிற வேட்பாளர்களுக்கு ஒதுக்கியதுபோக மீதமுள்ள சுயேச்சை சின்னங்களில் ஒன்று குலுக்கல் முறையில் தேர்வு செய்யப்பட்டு ஒதுக்கப்படும்.
Wednesday 3 August 2011
Friday 8 July 2011
ஹெட்லைன்ஸ் டுடே ஒளிபரப்பிய இலங்கையின் கொலைக்களம்- இந்தியாவில் முதல் முறையாக ஒளிபரப்பாகியது....!
சென்னை: இந்தியாவிலேயே முதல் முறையாக இலங்கையின் கொலைக்களம் என்ற பெயரில் லண்டனின் சேனல் 4 தொலைக்காட்சி தயாரித்த டாக்குமென்டரிப் படம் நேற்று ஹெட்லைன்ஸ் டுடே டிவியில் ஒளிபரப்பாகியது.
இதயமே இல்லாத மனிதர்கள் கூட பார்த்ததும் கலங்கிப் போய் விடுவார்கள் இந்தக் கோரக் காட்சிகளை. கொடூர மனம் படைத்த ஹிட்லரும், இதயமே இல்லாத இடி அமீனும் கூட இலங்கை என்றாலே வெறுத்துப் போய் விடுவார்கள் இந்தக் காட்சிகளைப் பார்த்தால். அப்படி ஒரு வலி மிகுந்த உதிரம் சிந்திய போராட்டத்தின் முடிவைத்தான் லண்டன் சானல் 4 தொலைக்காட்சி நிறுவனம், காட்சிகளாக தொகுத்து உலக மக்களின் பார்வைக்கு வைத்து நியாயம் வேண்டி நின்றது.
உலகம் முழுவதும் உள்ள தமிழர்கள் குறைந்தது ஒரு முறையாவது இந்த கோரக் காட்சிகளைப் பார்த்து கண்ணீர் வடித்திருப்பார்கள். தமிழர்கள் அல்லாத எத்தனையோ லட்சம் வெளிநாட்டவரும் கூட இதைப் பார்த்து கலங்கியிருப்பார்கள். ஆனால் நொய்டாவில் கழுதை செத்துக் கிடந்தால் விடிய விடிய, தொண்டை வலிக்க நியூஸ் வாசித்து கூக்குரல் போடும் ஆங்கில மீடியாக்கள் மட்டும் இந்த டாக்குமென்டரிப் படத்தைப் பற்றி ஒரு வார்த்தை கூட பேசவில்லை. மனிதாபிமானத்தை உலகுக்குப் போதித்த நாட்டில் தான் இந்த நிலை.
இந்த நிலையில் அத்திப் பூ போல ஹெட்லைன்ஸ் டுடே டிவி இந்த டாக்குமென்டரியை சானல் 4 நிறுவனத்திடமிரு்ந்து வாங்கி நேற்று ஒளிபரப்பியது. அதேசமயம், இந்த டாக்குமென்டரிப் படம் குறித்து கடந்த சில நாட்களாகவே தொடர்ந்து செய்திகளையும் ஒளிபரப்பி வந்தது.
இலங்கையில் நடந்தேறிய அந்த அகோரமான இனப்படுகொலை குறித்த இந்த டாக்குமென்டரிப் படத்தைப் பார்த்த யாருமே நிச்சயம் சாப்பிடிருக்க மாட்டார்கள். அப்படி ஒரு அவலம்அந்தக் காட்சிகளில். பெண்களை கொடூரமாக கற்பழித்த கதைகள், தமிழர்களை ஈ எறும்பு போல கருதி இலங்கை ராணுவத்தினர் நடத்திய கொடுமை, இளைஞர்களையும், சிறுவர்களையும் கூட கொடூரமாக கொன்று குவித்த அவலம், மருத்துவமனைகளை குறி வைத்து குண்டு வீசி நடத்திய அட்டூழியம், தமிழர்களை நிர்வாணப்படுத்தி கைகளை கட்டி, கண்களைக் கட்டி தலையில் சுட்டுக் கொன்ற அகோரம், இருக்கிற பீஸிலேயே இந்த பீஸ்தான் நல்லாருக்கு என்று நிர்வாணப்படுத்தி கொடூரமாக கற்பழித்துக் கொலை செய்யப்பட்ட பெண்ணைப் பார்த்து சிங்கள காடையர்கள் பேசிய அசிங்கமான வசனங்கள் என கண்ணீருக்குப் பதில் ரத்தத்தை வரவழைக்கும் காட்சிகள் நிறைந்த டாக்குமென்டரி.
இன்றும் நாளையும் கூட இந்த டாக்குமென்டரியை ஒளிபரப்புகிறது ஹெட்லைன்ஸ் டுடே. இன்று இரவு 11 மணிக்கும், நாளை இரவு 10 மணிக்கும் இந்த டாக்குமென்டரியைக் காணலாம்.
இலங்கை இனப் பிரச்சினை குறித்து தமிழகத்தைத் தாண்டி இந்திய மக்கள் யாருக்குமே சரியாக புரியாத நிலையே இன்று வரை உள்ளது. போர் நடந்தபோதும் சரி, முடிந்தபோதும் சரி, அங்கு நடந்த இனப்படுகொலைகளும் சரி இந்தியாவின் பெரும்பாலான பகுதி மக்களுக்கு இதுவரை புரியவே இல்லை அல்லது சரியாக போய்ச் சேரவில்லை.
ஆனால் ஹெட்லைன்ஸ் டுடே ஒளிபரப்பிய டாக்குமென்டரியை இந்தியாவின் அத்தனை பகுதி மக்களும் பார்த்திருப்பார்கள். கண் முன் கண்ட காட்சிகளைப் பார்த்த பிறகாவது இலங்கையில் நடந்த ஈனத்தனத்தின் அகோரத்தை அவர்கள் புரிந்து கொண்டிருப்பார்கள் என நம்பலாம். அல்லது குறைநத்து ஈழத் தமிழர்கள் மீது அனுதாபத்தையாவது அவர்கள் வெளிப்படுத்த இது உதவியிருக்கும் என்று எதிர்பார்ப்போம்.
இதயமே இல்லாத மனிதர்கள் கூட பார்த்ததும் கலங்கிப் போய் விடுவார்கள் இந்தக் கோரக் காட்சிகளை. கொடூர மனம் படைத்த ஹிட்லரும், இதயமே இல்லாத இடி அமீனும் கூட இலங்கை என்றாலே வெறுத்துப் போய் விடுவார்கள் இந்தக் காட்சிகளைப் பார்த்தால். அப்படி ஒரு வலி மிகுந்த உதிரம் சிந்திய போராட்டத்தின் முடிவைத்தான் லண்டன் சானல் 4 தொலைக்காட்சி நிறுவனம், காட்சிகளாக தொகுத்து உலக மக்களின் பார்வைக்கு வைத்து நியாயம் வேண்டி நின்றது.
உலகம் முழுவதும் உள்ள தமிழர்கள் குறைந்தது ஒரு முறையாவது இந்த கோரக் காட்சிகளைப் பார்த்து கண்ணீர் வடித்திருப்பார்கள். தமிழர்கள் அல்லாத எத்தனையோ லட்சம் வெளிநாட்டவரும் கூட இதைப் பார்த்து கலங்கியிருப்பார்கள். ஆனால் நொய்டாவில் கழுதை செத்துக் கிடந்தால் விடிய விடிய, தொண்டை வலிக்க நியூஸ் வாசித்து கூக்குரல் போடும் ஆங்கில மீடியாக்கள் மட்டும் இந்த டாக்குமென்டரிப் படத்தைப் பற்றி ஒரு வார்த்தை கூட பேசவில்லை. மனிதாபிமானத்தை உலகுக்குப் போதித்த நாட்டில் தான் இந்த நிலை.
இந்த நிலையில் அத்திப் பூ போல ஹெட்லைன்ஸ் டுடே டிவி இந்த டாக்குமென்டரியை சானல் 4 நிறுவனத்திடமிரு்ந்து வாங்கி நேற்று ஒளிபரப்பியது. அதேசமயம், இந்த டாக்குமென்டரிப் படம் குறித்து கடந்த சில நாட்களாகவே தொடர்ந்து செய்திகளையும் ஒளிபரப்பி வந்தது.
இலங்கையில் நடந்தேறிய அந்த அகோரமான இனப்படுகொலை குறித்த இந்த டாக்குமென்டரிப் படத்தைப் பார்த்த யாருமே நிச்சயம் சாப்பிடிருக்க மாட்டார்கள். அப்படி ஒரு அவலம்அந்தக் காட்சிகளில். பெண்களை கொடூரமாக கற்பழித்த கதைகள், தமிழர்களை ஈ எறும்பு போல கருதி இலங்கை ராணுவத்தினர் நடத்திய கொடுமை, இளைஞர்களையும், சிறுவர்களையும் கூட கொடூரமாக கொன்று குவித்த அவலம், மருத்துவமனைகளை குறி வைத்து குண்டு வீசி நடத்திய அட்டூழியம், தமிழர்களை நிர்வாணப்படுத்தி கைகளை கட்டி, கண்களைக் கட்டி தலையில் சுட்டுக் கொன்ற அகோரம், இருக்கிற பீஸிலேயே இந்த பீஸ்தான் நல்லாருக்கு என்று நிர்வாணப்படுத்தி கொடூரமாக கற்பழித்துக் கொலை செய்யப்பட்ட பெண்ணைப் பார்த்து சிங்கள காடையர்கள் பேசிய அசிங்கமான வசனங்கள் என கண்ணீருக்குப் பதில் ரத்தத்தை வரவழைக்கும் காட்சிகள் நிறைந்த டாக்குமென்டரி.
இன்றும் நாளையும் கூட இந்த டாக்குமென்டரியை ஒளிபரப்புகிறது ஹெட்லைன்ஸ் டுடே. இன்று இரவு 11 மணிக்கும், நாளை இரவு 10 மணிக்கும் இந்த டாக்குமென்டரியைக் காணலாம்.
இலங்கை இனப் பிரச்சினை குறித்து தமிழகத்தைத் தாண்டி இந்திய மக்கள் யாருக்குமே சரியாக புரியாத நிலையே இன்று வரை உள்ளது. போர் நடந்தபோதும் சரி, முடிந்தபோதும் சரி, அங்கு நடந்த இனப்படுகொலைகளும் சரி இந்தியாவின் பெரும்பாலான பகுதி மக்களுக்கு இதுவரை புரியவே இல்லை அல்லது சரியாக போய்ச் சேரவில்லை.
ஆனால் ஹெட்லைன்ஸ் டுடே ஒளிபரப்பிய டாக்குமென்டரியை இந்தியாவின் அத்தனை பகுதி மக்களும் பார்த்திருப்பார்கள். கண் முன் கண்ட காட்சிகளைப் பார்த்த பிறகாவது இலங்கையில் நடந்த ஈனத்தனத்தின் அகோரத்தை அவர்கள் புரிந்து கொண்டிருப்பார்கள் என நம்பலாம். அல்லது குறைநத்து ஈழத் தமிழர்கள் மீது அனுதாபத்தையாவது அவர்கள் வெளிப்படுத்த இது உதவியிருக்கும் என்று எதிர்பார்ப்போம்.
Wednesday 15 June 2011
தமிழகத்தில் அக்டோபர் மாதம் உள்ளாட்சித் தேர்தல்?
இந்த உள்ளாட்சி அமைப்புகளின் பதவிக் காலம் வரும் அக்டோபர் 24ம் தேதியுடன் முடிவடைகிறது. இதையடுத்து அதற்கு முன்பாகவே இந்த அமைப்புகளுக்கு தேர்தலை முடிக்க தமிழ்நாடு மாநில தேர்தல் ஆணையம் முடிவு செய்துள்ளது.
தமிழ்நாட்டில் தற்போது 10 மாநகராட்சிகள், 98 நகராட்சிகள், 3ம் நிலை நகராட்சிகள் 50, பேரூராட்சிகள் 561, 29 மாவட்ட பஞ்சாயத்துகள், 385 பஞ்சாயத்து யூனியன்கள், 12,618 கிராம பஞ்சாயத்துகள் உள்ளன.
சென்னை மாநகராட்சிக்கு பழைய வார்டுகள் அடிப்படையில் 155 வார்டுகளும்,விரிவுபடுத்தப்பட்ட மாநகராட்சி எல்லை அடிப்படையில் 200 வார்டுகளும் உள்ளன. இதனால் 155 வார்டுகள் அடிப்படையில் தேர்தல் நடத்தப்படுமா அல்லது 200 வார்டுகள் அடிப்படையில் தேர்தல் நடத்தப்படுமா என்பது குறித்து இன்னும் முடிவு செய்யப்படவில்லை. இது தொடர்பான முடிவை தமிழக அரசு தான் எடுக்க வேண்டும்.
200 வார்டுகள் அடிப்படையில் தேர்தல் நடத்தப்பட வேண்டுமானால், அதற்கான சட்டத் திருத்தம் சட்டசபையில் கொண்டு வரப்பட வேண்டும். அடுத்த மாதம் கூடும் பட்ஜெட் கூட்டத் தொடரில் இதற்கான சட்டத் திருத்தம் கொண்டு வரப்படலாம் என்று தெரிகிறது.
தேர்தல் உரிய நேரத்தில் நடத்திட முடிவு செய்யப்பட்டுள்ளதால் இதற்கான அட்டவணை ஆகஸ்ட் மாதம் வெளியாகும் என்று தெரிகிறது.
இந்தத் தேர்தல் தொடர்பாக தமிழ்நாடு மாநில தேர்தல் ஆணையர் சோ.அய்யர் அதிகாரிகளுடன் நேற்று ஆலோசனை நடத்தினார். இக் கூட்டத்தில் தேர்தல் ஆணைய செயலாளர் சேவியர் கிறிசோநாயகம், நகராட்சி நிர்வாக இயக்குனர் செந்தில்குமார், ஊரக வளர்ச்சி மற்றும் ஊராட்சி துறை இயக்குனர் உதயசந்திரன், சென்னை மாநகராட்சி ஆணையர் கார்த்திகேயன், பேரூராட்சி இணை இயக்குனர் ராஜன் துரை உள்ளிட்ட அதிகாரிகள் கலந்து கொண்டனர்.
Tuesday 31 May 2011
செளதியில் வெளிநாட்டினர் 6 ஆண்டுகளுக்கு மேல் பணியாற்ற தடை வருகிறது!
இது குறித்து செளதியின் அல் வதான் செய்தித் தாளுக்கு அந் நாட்டு தொழிலாளர் நலத்துறை அமைச்சர் அதெல் அல் பகி அளித்துள்ள பேட்டியில், செளதியில் உள்நாட்டினருக்கு வேலை வாய்ப்புகளை உருவாக்க வேண்டிய அவசியம் எழுந்துள்ளது. வேலைவாய்ப்பைப் பெற உள்நாட்டினரிடையே போட்டியை உருவாக்கி, அவர்களது பணித் திறமையை ஊக்குவிக்க அரசு முடிவு செய்துள்ளது.
இதனால் வெளிநாட்டினர் தொடர்ந்து 6 ஆண்டுகளுக்கு மேல் செளதியில் பணியாற்ற தடை விதிக்கப்படும். இந்த சட்டத்தை கொண்டு வந்த பின், அதை அமலாக்க வெளிநாட்டு ஊழியர்களை பணியமர்த்தும் நிறுவனங்களுக்கு 5 மாத கால அவகாசம் வழங்கப்படும்.
கறுப்பு சந்தையில் உலவும் விசாக்களை 99 சதவீதம் கட்டுப்படுத்தவும் புதிய நடைமுறைகள் கொண்டு வரப்படும் என்றார்.
இந்த புதிய விதிமுறை அமலுக்கு வந்தால் பல லட்சம் இந்தியர்கள் பாதிக்கப்படுவர். இந்த ஆண்டு இறுதிக்குள் செளதி அரேபியாவில் உள்ள இந்தியர்களின் எண்ணிக்கை 20 லட்சத்தைத் தாண்டவுள்ளது குறிப்பிடத்தக்கது.
Saturday 21 May 2011
இஸ்லாமியர் இளைஞர்கள் சங்கம் சின்னம் வெளியீடு!
கோட்டகுப்பம்: இஸ்லாமியர் இளைஞர்கள் சங்கம் வெள்ளிக்கிழமை (20.05.2011) தங்களின் சின்னத்தை வெளியிட்டனர். இது குறித்து வெளியிட்டுள்ள அறிக்கையில்: கடின முயற்சிக்கு பிறகு அமைப்பின் சின்னத்தை வெளியிட்டுள்ளதாகவும், தொடர்ந்து ஊர் நலனுக்காகவும், சமுதாய நலனுக்காகவும் மற்றும் சமுக முன்னேற்றத்திற்க்காகவும் உழைதிடுவோம். சமுக முன்னேற்றத்திற்க்கு கல்வி முக்கியம் என்பதால், கல்வி விழிப்புணர்வு மற்றும் கல்வி சார்ந்த நல பணிகளை அமல்படுத்த திட்டமிட்டு வருகிறோம், விரைவில் இதை பற்றிய விவரம் வெளியிடுகிறோம் என்றனர்.
"PEACE - PERSEVERANCE - POWER" என்ற தங்களின் கொள்கையை விளக்குமாறு அமைதுள்ளது சின்னம்.
தமிழ் மொழிபெயர்ப்பு :
PEACE :
இஸ்லாம்
PERSEVERANCE :
கொண்ட இலட்சியத்திற்காக பல தடைகளை எதிர் கொண்டு தொடர்ந்து போராடுதல்
POWER :
பலம் (கொண்டு சாதித்தல்)
